Il test di Sartori si ispire a un fat sucedût pardabon e al trate la cuistion de afetivitât feminîl in rapuart aes relazions tossichis cun oms bogns di abûs, manipolazions e ferocitâts viers lis feminis.

“…Al è un spetacul potent, luminôs e scûr tal stes moment. E je une onde creade des siet atoris, ogniune plui brave di chê altre, che e si môf cun armonie rapresentant il dolôr, strucjant sul public dute la angosse, la poesie e la voie di riscat des lis feminis vitimis di violencis. Il finâl al è sorprendent, displaçant, ma al vierç lis puartis a un vueit plen di altris e gnovis sensazions. Parcè che la femine e vûl vivi, e no je vite cence libertât… La lenghe furlane no je un limit, anzit e agjìs come un amplificadôr pal caleidoscopi dai moviments, des peraulis bergheladis e dai cuarps che a san trasmeti lis emozions plui profondis e emozionantis e e po jessi comprendude pardut e di cualsisei.”

Alessandra Zenarola – scritore furlane.