“Il Magazzino dei Teatrantii” al è nassût tal 1989 dentri dal “Centro Culturale Il Villaggio” a Udin (TeatroErandi) e in plui di vincj agns di ativitât, al à metût in sene autôrs classics e contemporaniis come, tra i plui impuartants: Eugene Jonesco, Edgar Allan Poe, Charles Peguy, Eschilo, Vladimir Soloviev, William Shakespeare e Giovanni Testori.

Il Magazzino dei Teatranti al vûl continuâ il so lavôr su la peraule fevelade, sfrutant ancje la colaborazion amichevule di figuris dal mont dal teatri professionâl. Ce che nus à mot tal imprin e je la stesse maravee e incjant che a nus comôf vuê: il teatri come la plui umane des formis di art par che la peraule si incjarni.

I spetacui plui signifcatîfs dai ultins agns a son stadis: Hamlet di William Shakespeare; Mater strangosciàs dal grant dramaturc lombard Giovanni Testori; A piedi nudi sul palco e Amor di Clara di Paolo Sartori; In alto mare di Slavomir Mrozek. La compagnie si è misurade ancje in spetacui il lenghe furlane, come il monolic “Folc a ti trai – Puçui Trente di Otubar dal Disesiet”, interpretât di Daniela Zorzini e scrit di Paolo Sartori e “Mat e Bec”, il Macbeth di Shakespeare contât dai comics. Il spetacul Hamlet basade sul romanç di William Shakespeare, al è stât segnalât come miôr produzion tal concors “Teatro a tema” dal 2008 organizât di TeatroIncontro di Triest. L’autôr Paolo Sartori al à vinçût l’otâf concors par tescj in lenghe furlane promovût de A.T.F. cui siei tescj “Un di mancul” e “Tele di ragn”. Al à vinçût il nono concors (2008) cul so test “Dut a puest” e la decime edizion dal concors (2012) cul so test “Une dì e une gnot”.

La ultime produzion, Romeo e Giulietta di Shakespeare, scrite di Sartori, e à debutât cuntune vore di sucès tal Mai dal 2017 e e à al so atîf une vore di replichis, come une al Cjistiel di Savorgnan a Dartigne e la partecipazion ai events colaterâi de mostre AMANTI a Dieç.