P.L. Travers, la innomenade e inflessibile autore di Mary Poppins, e jentre tai studis Disney cul compit di aprovâ l’adatament cinematografic de sô opare. Chel che al varès di jessi un sempliç confront professionâl cun regjiscj, musiciscj e senegjatôrs, si trasforme a pôc a pôc in alc di plui profont e inspietât: un viaç inte sô memorie, framieç des stanziis smavidis de infanzie e des feridis ancjemò vivis dal passât.

Tra siums frantumâts, silenzis sospindûts e peraulis mai ditis, e cjape forme une narazion che si disvilupe su trê plans: il presint di une Travers adulte tai Disney Studios, l’univers fragjil e poetic de sô infanzie e la machine di Hollywood, sflandorose e impegnade a trasformâ in liende un mît destinât a restâ.

Traviers la musiche, lis emozions e la imagjinazion, Vint dal Est al conte cemût che lis storiis a puedin deventâ puints tra ce che o sin stâts e ce che o podìn deventâ.

Une storie che nus compagne cun dolcece tal cûr des nestris feridis e nus ricuarde che cualchi volte al è propit tes flabis… che o cjatìn il mût di tornâ a scomençâ.