La compagnie e nas e ancjemò e esist come emanazion de Pro Loco di Cjons e, in principi, e veve centrade la sô ativitât tal oratori parochiâl. Il tiermin “cibìo”, doprât par sotlineâ la continuitât ideâl cuntune tradizion teatrâl consolidade tal paîs di plui di setante agns, al fâs riferiment a un intercalâr doprât dai zovins dal lûc tai agns ’60 par indicâ une sorte di glaçûl fat cun aghe e sirop.

Lis oparis de compagnie, tra chês che si ricuardin: Colombo viaggiatore dal 1992, Le alegre comari de Valnonsel dal 1993, L’erba mandragola dal 1994, Cassa rurale dal 1995, Arriva Napoleone dal 1997, La pignata de oro dal 1998, Casanova in vacanza dal 1999, Verdi mestro Giuseppe dal 2001, Hanno rapito mia moglie dal 2002, Aggiornafavole dal 2003, A.A.A. Cercasi famiglia normale dal 2005, Abbasso il tifo dal 2006, Don Camillo dal 2008, Cossa nasse sot i capussi? dal 2011 e Aggiungi un posto a tavola dal 2013. Po tal 2015 i ultins doi lavôrs, ancjemò in cartelon.