Il Gruppo Teatrale della Loggia, nassût tal 1983 in gracie dai arlêf de Civiche scuele di recitazion furlane direte di Nico Pepe, e fâs partî la sô ativitât cun la comedie de art e cun la sacre rapresentazion “Il misteri de Crôs”. Po dopo al fronte Goldoni cun “La finta malata” e “La famiglia dell’antiquario”, par po rindi omaç a Ciro di Pers cun “La Carlina”, che e torne a puartâ in sene la tradizionâl mascare dal Tomat. Al puarte duncje sul palc tescj furlans come “Ta chê gnot lusôr di lune” e Meracul in Badie”, dimostrant sensibilitât sedi pal repertori sacri, sedi par chel popolâr. Cun “la cjantarine crope” di Ionesco, il grup si vierç al teatri dal assurt, invezit cun “5 x una / Cinc par une” al valorize gnovis scrituris contemporaniis, otignint grant sucès in Friûl e tai Fogolârs Furlans. Al rionç il teatri comic cun Feydeau e al slargje il propri rai di azion cun la produzion taliane “Le cognate”, che a coinvolç 14 interpretis femininis.

Al rint omaç a Gianni Gregoricchio cun il drame “Balade pau un sium”, une vore emotîf, e tal 2008 al torne a fâ Goldoni cun “L’impresario delle Smirne”. Cun di plui al lavore su gnûfs tescj furlans premiâts al concors ATF, tra i cuai “Tele di ragn” e “Un di mancul”, otignint ricognossiments prestigjôs. Po dopo a vegnin “Veduis” di D’Olivo e l’adatament teatrâl di “Oceano Mare” di Barrico. La compagnie e sperimente ancje formis senichis inovativis cun “LoGGià RiVISTA”, e intant tal 2016 e puarye in sene “Tre sull’altalena” di Luigi Lunari. Par il centenari si D’Aronco e volte e e fâs “Mat su misure”, recuperant un test inedit dal fuart valôr culturâl. Dal 2022 e propon la vivarôs comedie “Il crocodrîl” di Dostoevskij, la che la version furlane e acentue il gust satiric. Tal 2024 e prepare lis leturis nadalinis “Pastorâl di Nadâl” e une performance dedicade a Cora Slocomb di Brazzà, risultât de colaborazion cun Brojnery Academy. La gnove stagjon si vierzarà cun “Cerchi nel grano” di Stefano Menis, opare contemporanie ispirade a un misteri vêr, che al misture comicitât, simbui e riflession sociâl.