Il Teatro delle Piramidi e je une associazion amatoriâl nassude a Manià tal 2011. I siei components si prefissin di pandi la culture teatrâl midiant il meti in sene oparis classichis, modernis e di proprie composizion, come “Ljiuba e le altre”, une conte romanzade su la vicende dai esui istrians stabilîs po a Dandul, in comun di Manià. Il spetacul al à viodude la partecipazion dal Professôr Floramo e dal armonicist Paolo Forte.

Une vore lis colaborazions cun istituzions e associazions. Par cont de Biblioteche Civiche, insiemi cuntun altri grup teatrâl di Manià, al à metût sù e e stâ presentant ai fruts des primariis la leture animade “Anna della vela”, une storie ispirade a la tragjedie dal Vaiont, scrite e ilustrade di Michela Occhi. Tra i lavôrs fats par i fruts, o ricuardìn “I musicanti di Brema”, metût in sene cu la Filarmoniche locâl.

Diviers e son i spetacui risultâts di laboratoris teatrâi tignûts de compagnie stesse, che e àn viodût sul palc i siei atôrs, i fruts des scuelis e, in cualchi câs, i ospits de Cjase di Ricovar locâl. Grant sucès e stan otignint lis visitis vuidadis teatralizadis proponudis dal Museu delle Coltellerie, che a viodin la partecipazion dal Teatro delle Piramidi e dai Papu ae regjie. 

Ma non podìn no nomenâ i prossims apontaments de compagnie; oltri a debutâ sabide ai 2 di Març 2024 cun “Un incantevole aprile”, e tornarà sul stes palc ai 13 di Avrîl insiemi a la Piramidiband par presentâ “Nel covo dei pirati” di Franco Puma, une conte in musiche su la cariere musicâl di Bennato.

Grant part des oparis che la compagnie e puarte in sene si zovin de regjie di Elizabeth Aply, altris invezit e son autogjestidis.