“La strana coppia” e conte la dificile e complicade convivence tra doi oms unîts de esperience dal divorzi, ma dividûts de personalitâts contrariis tra di lôr.

Oscar, grês, maleducât e egoist al è divorziât di Blanche di un biel pôc e aromai abituât a vivi la sô cundizion di novel vedran tal disordin e la cragne. Chel altri personaç al è Felix, in profonde crisi cu la femine Frances, che esasperade de sô pedantarie, meticolositât e cure dal ordin e de pulizie, lu à parât fûr di cjase.

Oscar al decît di ospitâ l’ami. La convivence, però, si rivele esplosive: tra gag, barufis ferocis e tenarecis cuasi come om e femine, i doi a passin i dîs no inacuarzintsi di riproponi cu la lôr ande li stessis situazions che ju vevin sburtâts un a scjampâ de femine, chel altri a jessi sbatût fûr di cjase.

Dut al cambie cuant che Felix si refude di secondâ Oscar che al organize une seradute in cuatri cun lis cipadinis sûrs Chippendale, che a vivin tal stes palaç.