“Angela” e je une poesie dul palc di sene. Doi oms si cjatin in aparence par câs e a rifletin su la vite, creant un fuar leam di amicizie che ju puartarà lontan.

Midiant chest viaç, i atôrs a compagnin i spetatôrs dilunc un percors di moments a voltis dificii e a voltis une vore lizêrs, a voltis dramatics e a voltis divertents, ma simpri emozionants.

A son oms vielis, che sul finî dai dîs a ricuardin la vite su di une bancje di une strade imagjinarie, sospindude tal timp e tal spazi.

Dut al somee cori cun normalitât, fin ae vignude di un gnûf personaç: Angela.

A sarà la femine a cambiâ lis cjartis in taule, puartant su la sene une gnove energjie, che a savoltarà la trancuilitât dai protagoniscj, fin a rivâ  viers un finâl inspietât e di grant sconciert.

Il sipari si vierç duncje su di un spetacul delicât e une vore poetic, che al tocje lis cuardis de comedie e de poesie, ben recitât par furlan… parcè che in fin dai conts, propite come che e dîs Angela, “La vite e je une comedie e bisugne recitâle ben”.