Lis contis, i amôrs, lis emozions, lis vicendis di 5 feminis si tiessin intun apartament di un insuspietabil condomini, che si palese jessi il contignidôr ideâl di storiis, a une prime analisi, disomogjeniis, ma che dopo a risultin leadis di un comun denominadôr: la complicitât feminîl. Di pituradis di vite passadis, ae crude concretece dal presint, si delinein, daûr des cinc feminis, cinc figuris maschîls, intun zîr in tont di sensazions, vogladis, mots, peraulis che a finissin intune intese che lis unìs intun unic abraç. La realtât e l’imagjinari si fondin tal zûc ironic di cinc vitis, te ricercjie indurante de ambide felicitât e te rivade concretece cuotidiane; ma al è un imprevist che al savolte chest ecuilibri… e vuai se lis parêts a vessin orelis!