Franz Xaver Messerschmidt, nassût tal 1736, al apartignive a une famee di peleârs e al à tacât il so svicinament al art lavorant tal laboratori dal barbe scultôr. Tal 1752 si è trasferît a Vienna par stâ daûr ai cors de Academie e tal 1760 al è stât nomenât scultôr de cort al servizi de nobiltât vienese. Tal 1765, dopo un viaç a Rome, al è stât nomenât professôr di jutori di sculture te Academie. Sîs mês dopo, si è trasferît a Monaco intune cjase isolade: chi al à ricevût un lavôr come docent de Academie de citât, ma cun scjars risultâts. Tal 1777 al à lassade Monaco par trasferîsi a cjase dal fradi; daspò al à comprade une cjase te perifarie di Bratislava. Chi al à passât i ultins agns de sô vite lavorant ai siei buscj e ricevint une vore di visitis di viazadôrs vignûts a savê de sô gnove dimore. Al è muart par une polmonite tal 1783. Doi dai siei innomenâts cjâfs di caratar a fasin part de colezion di Palazzo Coronini di Gurize, lis unichis in possès di un museu talian.