Servizis
AFILIAZION
La Associazion Teatrâl Furlane APS e furnìs un servizi di supuart organizatîf e promozionâl pe realizazion di spetacui e rassegnis teatrâls sul teritori regjonâl.
Cost dal servizi par singul spetacul
Aministrazions Publichis, Pro Loco, associazions no afiliadis e privâts
Tarife ordenarie: € 800,00
Tarife agjevolade: € 671,00 (aplicabile fin al esauriment dai fonts dedicâts)
Dal 1n di Zenâr dal 2026 la Associazion Teatrâl Furlane APS no je sometude a IVA parcè che e je une Associazion di Promozion Sociâl iscrite tal RUNTS.
Compagniis Associadis ATF
Tarife: € 500,00
Rassegnis ATF
Par “Rassegne ATF” si intint une serie di almancul cuatri spetacui teatrâi, ducj realizâts di Compagniis regolarmentri associadis ae ATF.
I spetacui a àn di jessi rapresentâts, di norme, cuntune distance no superiôr ai 15 dîs un di chel altri, salvis particolârs esigjencis organizativis o rimants dovûts a causis di fuarce maiôr. Lis rapresentazions e àn di la in sene dentri dal stes Comun o ben di Comuns associâts o confinants.
La programazion e varà di proviodi almancul un spetacul in lenghe furlane prevalente ogni trê rapresentazions.
La durade dai spetacui e varà di jessi indicativementri no inferiôr ai 75 minûts, al net dai eventuâi intervai.
In ogni materiâl promozionâl e informatîf al varà di comparî il logo de Associazion Teatrâl Furlane APS.
Eventuâls deroghis aes presentis disposizions a podaran jessi concedudis de ATF, in vie ecezionâl, dopo richieste motivade presentade cun avonde anticip.
Fats salfs diferents acuardis, lis Rassegnis ATF a àn di scomençâ e concludisi dentri dal midiesim an solâr.
Tarifis Rassegnis ATF
Numar di spetacui — Tarife
4 spetacui — € 1.750,00
5 spetacui — € 2.000,00
6 spetacui — € 2.250,00
Par rassegnis cun un numar di spetacui superiôr al indicât, al vignarà concuardât un preventîf personalizât.
Notis
I spetacui rapresentâts ducj o in part sot forme di leture espressive a son rimunerâts cul 50% de tarife previodude.
Cuant che lis carateristichis dal spetacul (durade, complessitât, costums, senografie, origjinalitât o creazion dal test, e vie indevant) lu justifichin, la Compagnie associade e podarà presentâ ae ATF une richieste motivade preventive pal eventuâl ricognossiment di une rimunerazion divierse. La valutazion de Associazion e sarà a so insindicabil judizi.
Dentri di une Rassegne ATF, indipendentmentri dal numar complessîf di rapresentazions previodudis, la eventuâl repliche di un spetacul o la presentazion di altris spetacui di bande de stesse Compagnie, Grup Teatrâl o Associazion e sarà rimunerade cul 50% pe seconde rapresentazion e cul 30% pe tierce.
La Associazion Teatrâl Furlane APS e supuarte lis Compagniis Associadis tai rapuarts cu lis Aministrazions Publichis, comprendint ancje i servizis di faturazion eletroniche e la iscrizion al MEPA.
Avertence: lis tarifis a podaran subî variazions in relazion al andament dal belanç associatîf. In ogni câs al fasarà fede dome il preventîf scrit dât fûr de Associazion Teatrâl Furlane APS daspò di richieste inviade al recapit info@associazioneteatralefriulana.com.
MODULISTICHE
Richieste preventîf par une Rassegne ATF
Modul
pe prime afiliazio
La Associazion Teatrâl Furlane APS e furnìs supuart promozionâl pes dates che a coinvolzin lis propriis compagniis:
- Lis compagniis che a volessin usufruî dal servizi a son tignudis a comunicâ par timp vie mail ae segretarie i detais dal spetacul: titul, date, orari, lûc de rapresentazion e citât. Lis informazions a vignaran publicadis te sezion SPETACUI >Calendari Spetacui e su lis pagjinis Facebook e Instagram de ATF.
- Cun cadence trimestrâl, in plui, la segretarie e divulgue ai potenziâi organizadôrs l’elenc dai spetacui in cartelon des compagniis associadis.
SERVIZIS DI SEGRETARIE
L’orari di segretarie de Associazion Teatrâl Furlane al è chest:
- Lunis 14:00 – 18:00
- Miercus 14:00 – 18:00
- Vinars 14:00 – 18:00
Par informazions telefonâ al: 348-6456453 opûr mandâ une mail a: info@associazioneteatralefriulana.com
PE DRAMATURGJIE
- La Associazion Teatrâl Furlane APS e met a disposizion dai siei socis, pe consultazion e pal imprest, il propri font bibliotecari e il propri archivi video. Il catalic de biblioteche al è consultabil su chest sît te pagjine dedicade.
- Al è in plui atîf il Servizi SOS Dramaturgjie, in colaborazion cun Matearium, pal supuart te scriture di tiets dramaturgjics. Par usufruî dal servizi, scrîf a: alessandrodipauli@gmail.com
PAL PALCOSSENIC
- Disponibilitât di bande di un professionist de critiche teatrâl di recensî il spetacul e dâ une rispueste in forme privade pe compagnie, cun preventîf di valutâ.
- Agjevolazions pai socis che a intindin frecuentâ cors istituzionâi ativâts di tierçs tal teritori regjonâl;
- Organizazion di bande de ATF di cors di formazion tai diviers ambits dal spetacul: cors di recitazion, dizion, audio e iluminotecniche, antincendi a risi elevât, regjie.
- Consulence par truc e petenaduris.
FORMAZION E PROGJETS SPECIÂI
- La Associazion Teatrâl Furlane APS e sosten i progjets speciâi dai siei socis.
- Pe formazion teatrâl tignude di professioniscj ricognossûts esternis al circuit ATF, i socis des Compagniis Associadis – regolârmentri assicurâts e indicâts tes certificazions F.I.T.A. o U.I.L.T. trasmetudis tal rinovament anuâl de afiliazion – a podaran domandâ une partecipazion no superiôr al 30% dal cost, cun un massim di €75, concedibil in base ae disponibilitât dal budget anuâl dedicât.
- Par regjîs professionâls di gnûfs spetacui, lis Compagniis a podaran domandâ une partecipazion ae spese pari al 20%, cun un massim di €500, purché no vedin za gjoldût di cheste oportunitât tai doi agns precedents e dut câs cun un professionist diviers, budget €4000.
- Dutis lis domandis relativis ai progjets speciâi a puedin jessi fatis dome midiant modul: https://forms.gle/XHtXHCcdKgTC2T9o6
