Al centri di cheste comedie al è un barbon, che al à miôr definîsi “vagabont” e che si met ae atenzion di ducj intun mût delicât, zentîl, rispietôs, ma ancje ironic e iriverent. Cjatantsi cun i varis condomins (e scuintrantsi cun cualchidun, in maniere particolâr cu la portinarie dal palaç),lui nus puarte a rifleti su la nestre societât ipocrite, egoiste e sturnide, infondade te solitudin che dispès e aflîç cui che al vîf tes grandis citâts, tra mil impegns e ghetizazions.

Il barbon, midiant la sô voglade ironiche e un lengaç provocatori, al judarà chei altris personaçs a deliberâsi des sorestruturis che ju incjadenin e a cjapâ la vite cun plui lizerece e libertât. la comedie, pûr fasintnus dispès ridi e riduçâ, nus puarte a rifleti sui condizionaments, i prejudizis e lis incomprensions che dispès a son ae base de infelicitât des creaturis umanis.
La libertât di sielzi, di jessi pardabon se stes, e je a puartade di man tal moment tal cuâl ognun di nô si ferme un moment a “scoltâsi” pardabon e al decît di gustâ ogni moment de sô vite.

La comedie e à vint il prin premi al Concorso Premio Letterario Nazionale “Città di Mesagne” Opere di Teatro, Narrativa e Poesia Inedite e di Saggistica e Poesia Edite, Sez. Teatro Inedito, XVI Ed. tal 2018.